بسم الله الرحمن الرحيم ..
للأحبة كل التقدير والإحترام ..
أحب أن أشارك هذه المرة .. بشيء من النصوص .. كتبت لفئة غالية ..
هم شباب المستقبل .. وزمام الأمة .. والنور القادم الذي سينجلي بعده ظلام الذل والهوان بإذن الله
كتبت للأطفال .. توجيهية .. بأسلوب محبب .. لتنشد لهم في المحافل العامة والخاصة ..
وهي هدية لكل طفل .. في أكنافكم يترعرع .. وفي فنائكم يتربى ..
هذه نصوص .. كتبتها .. بعد ان قطعت شوطا لابأس به في الإشراف التربوي ..
أعلم أنها غير مقبولة عند البعض .. لكن هي محاولة للنزول لتلك العقليات الحالمة والبريئة والمسالمة ..
أبدأها بعد اذنكم :
1- ( الكذب )
لا لا لاتكذب .. لا لا لاتكذب .. لا لا لاتكذب .. لا لا لاتكذب
أحفظ لسانك .. ماهو عشانك .. عشان إيمانك .. لا لا لاتكذب
كذاب وصادق .. يعني منافق .. أرفق ورافق ..ولا لا لاتكذب
أسلوبك واضح .. مفضوح وفاضح .. وإنائك ناضح .. ولأنك تكذب
استح ياشاطر .. السانك عاطر .. وخل المخاطر .. ولاشوفك تكذب
تبي الحقيقه .. كذبك ماطيقه .. يسبب لي ضيقه .. لأنك تكذب
ماحدن يحبك .. ولايجلس جنبك ..من كثر كذبك .. ياخي لاتكذب
دايم نستغرب.. من كبر الأرنب .. منا لاتقرب .. لأنك تكذب
ماتخاف الله .. استغفر الله .. ثم اذكر الله .. ولاعاد تكذب
خذها نصيحه .. الكلمه الصحيحه هي المريحة .. وماعاد تكذب
..........
(2 ) الصحبة :
لاتمشي مع الشرير
يبي جرك للحرام
يحرق ثوبك مع شماغك
ولسانه دايم أشتام
يقول أنا أقوى واحد
ومهجد كل الأنام
وإذا بغيته في فزعة
يقول أنا فالدمام
وإذا أعطيته أسرارك
ترى هو أكبر نمام
صادق شباب التحفيظ
أهل الطاعة والقيام
يعينونك على نفسك
فالمسجد على الدوام
وامك وابوك يحبونك
مع خوالك و الأعمام
ونور في وجهك يتلالا
كنك بدرن فالتمام
وتدعي دايم في سجودك
احفظ ياربي الإسلام
واحفظ ياربي أصحابي
أهل القرآن الكرام
وابعد عن الدرب المظلم
وعن مسلك أهل الإجرام
وقلها دايم باعلى صوتك
أنا من جند الإسلام
........
(3 ) حفظ القرآن :
هذي نصيحة لكل الناس
من واحدن باللقاء شفقان
أسمع ترا ذالزمن محسوب
واحرص على ختمة القرآن
هذي البطولة وهذا الخير
وهذا طريقك إلى الرحمن
أقرأ ورتل بحسن الصوت
النور والطور والفرقان
والديك بالتاج يوم الدين
ياقوت بالراس ياإنسان
أقر وتدبر كلام الله
يزيد في قلبك اطمئنان
أقرأ وطبق ماتقراه
يزداد في قلبك الإيمان
خير العمل تحفظ الآيات
وتدمع على إثرها عينان
والخير تلقاه فالتحفيظ
ينبع فوايد بلا نقصان
ياليت أحفظ كتاب الله
يارب أعني على الإحسان
هذي نصيحة لجيل اليوم
الله الله بالقرآن
........
(4) بر الوالدين :
وش فيك ياولد الحلال
وش فيك على أمك وابوك
والدك يتعب كل يوم
عشانك وعشان أخوك
يتعب يدور راحتك
وعايش معه عيشة ملوك
وامك تراها طيبه
أحذر تزعلها ياخوك
الجنة تحت أقدامها
والله مافيها شكوك
تحزن إلا منك حزنت
وتضحك إذا أنت الضحوك
وانته تعاندهم بعد :
ما أسعدوك وفرحوك
وان كان تنساهم ترى
والله أبد ماقد نسوك
الله يحفظ والديك
لي وجهوك وعلموك
واختامها احرص على:
امك وابوك امك وابوك
سعدت بنقدك .. وتشرفت بزيارتك ..
مكتب جي ؟